Professional Forum-Hosting @ www.RapidForum.com V4.0.B (CPU: 9%)
RapidForum.com wird zwischen 1.3.2009 und 1.6.2009 für immer abgeschaltet! Mehr Infos hier.
Y ha mi mol erkundigt wie das gnau Ablauft mit em Foore-Zerfall:
- Ab em 1. März wird de Admins e Kopie vo allne Date zer Verfiegig gstellt. Dermit ka me denn - irgendwie - en Art Archiv sälber baschtle. Waiss laider nonig gnau, wien y die Date denn ka aazaige loo, aber das luege mer denn no aa. S Forum sälber lauft denn aber grundsätzlig no wyter.
- Uf der Suechi non ere neue Lösig bin y uf d Syte http://www.phpbb8.de/ gstoosse. S neu Forum wär denn au extärn ghostet (wie scho jetzt) und ych ha nyt mit Updates etc. z due (das isch guet).
- S Forum wurd denn halt nimm ganz glyych usgsee, aber das isch denn halt eso.
Het irgendebber scho (schlächti) Erfaarige mit phpbb8.de gmacht und wurd dervo abroote? Oder kennt ebber en anderi, besseri Alternative?
Der Memberbereich isch wyterhin gschützt - nach der Aamäldig wärde die entsprächende Berächtigunge gsetzt.
Fir s alte Forum gits no folgendes z saage:
Lueget mol euri PNs aa. Diend die wichtige Sache uusekoperen oder sunscht irgendwie feschthalte. Die PNs wärde nit archiviert und verschwinde mit der Uflösig vom alte Forum.
Y wird versueche, die alte Threads irgendwie z konserviere. Allerdings wirds nit möglig syy, dass me in däne Fääde ka wyterschryybe. Aber me ka jo im neue Forum wiider e glyychs Thema eröffne.