Die erschte zwei us dere 5-er-Gruppe kemme in d'Zwyscherunde. Die wird äntwäder am Samschtig Noomidaag oder am Sunntig morge gspiilt, das isch nonig klar.
Uf Grund vo dr Aaspiilzyt vom erschte Match schloh ich vor, das mer is am 9i uf em Sandgruebe-Areal träffe.
S'Mindeschtziil fiir unser Team muess ganz klar d'Zwyschrundi sy. Platz fiir e Pokal hani ämml immer dehaim
Y fänd's glatt wemmer dä Sunntig meh oder weniger alli vom Team chönnte zämmekriege, damit mir uns e chli chönne ufenand abstimme... Mr muess es nid dringend als Training uffasse.....
Bevor öbber drmit chunnt: Familyday isch denn kai Usred...
Ich mecht no kei Panigg verbreite ( ), aber durch mini Fingerverletzig, wo mi als Goalie leider sehr stargg behinderet, kanni jetzt nonig sage, obs mer bis zum Wuchenänd länggt, oder sogar bis zum Grimpeli. Ich mecht dr Zeeka bitte, vorsorglich mol s'Goalietraining z'intensivere, damit e allfällige Ussfall vo mir d'Chance vom Team nit z'stargg duet beiiträchtige. Ich wird mich morn zu mim Vertrauensarzt begäh und är wird mer e Reha-Training verschriebe. Denn luege mer wieter.
Ich mecht euch bitte, gegenüber de Medie das ganze nit z'stargg uffz'bausche. Mer miend de Fans nit vor em erschte Pass scho d'Hoffnig näh, unseri Nummere 2 isch schliesslig au sehr stargg, jetzt kunnt evtl. sy Chance.
Verletzige sin natürlich e grächtfertigte Abwäseheitsgrund; wirsch wohl au nid de Einzig sy, wo deswäge muess passe. D'Goalieposition wär au nid unbedingt die, wo mr bsunders muess ispiele uf d'Mitspieler. Dass de chönntsch schreie/dirigiere, wüsse mr jo anderswitig...
Quote:Schaggi schrieb am 14.06.2005 12:09
Falls es verletzigsbedingti Abwääseheite fiirs Grimpeli git, wärs guet wenn me das wurd friehzitig mitteile, damit me no ka wäge Ersatz luege.
Wie isch s'aktuelle Verletztebulletin?
Ich ha mer geschter dr Zeigfinger vrschtuucht!
Aber i bi jo kei Röggli
S'isch eifach so, dass de Gerry (am Chnü) und de Pascal (am Knöchel) agschlage sin und doch gärn würde e Pause izieh. So ne Grympeli rieft alti Verletzige doch sehr gärn sehr schnell wieder vüre; wie-n-ych das am Frytig bim Uniturnier bemerkt ha. Y waiss es vo ihne nid definitiv, ob sie am Sunntig chömme oder nid, wird se am Wuchenänd nomol aschriebe. Aber für s'Grympeli sin's wieder fit (dorum ziehn's au e Pause i.) Übrigens hemmer momentan wohl eher 1 oder 2 Spieler z'viel, was so schlimm nid isch, aber 2 Uswächselspieler wäre optimal.
P.S.: D'Trikots chönne übrigens abgholt wärde, falls sie brucht wärde...
Mer händ in dr erschte Gruppephase genau 2 Ersatzspieler wenn alli fit sind. Falls mer wieter kemme hämmer no e 3. Ersatzspieler. S'isch mer au lieber, die Aagschlagene schone sich am Wuchenänd!
Quote:Schaggi schrieb am 14.06.2005 18:18
Mer händ in dr erschte Gruppephase genau 2 Ersatzspieler wenn alli fit sind. Falls mer wieter kemme hämmer no e 3. Ersatzspieler. S'isch mer au lieber, die Aagschlagene schone sich am Wuchenänd!
Quote:Schaggi schrieb am 14.06.2005 18:18
Mer händ in dr erschte Gruppephase genau 2 Ersatzspieler wenn alli fit sind. Falls mer wieter kemme hämmer no e 3. Ersatzspieler. S'isch mer au lieber, die Aagschlagene schone sich am Wuchenänd!
Und di Finger? Hebt dä wider?
Wenn ALLI fit sind! Ich bi zur Zyt nit Iisatz fähig. Muess dr Finger no e paar Dääg im Verband ha und sälbele und desinfiziere. S'goht no bitz bis do alles wieder zämme gwaggse isch. Aber es sind zum Glügg keini Bänder oder Seene oder was au immer betroffe. Bim Auto wurds heisse "Blächschaade".
Dr Dominik (dr Cliquekolleg) lerne mer erscht uf em Platz kenne, är isch, was das aagoht, leider ebitz handicapiert. als Referenz ka är jedoch e aktivi und immerno laufendi Karriere bim FC oder Amicitia Rieche vorwiese. Das isch besser als gar nüt.
Ich bi derbi am Sunntig, allerdings muess mi wohrschiinlig als Fäldspieler versueche (oje!). Dr Lionel wird nit ko, är het mir gegenüber erwähnt, das är dr Sunntig mit dr Sandra duet verbringe. Si isch erscht syt em Mittwuch do und dangg sinere Arbet und em Hockey het är erscht am Sunntig für se Zyt. Dr Pascal und dr Gerry wärde wohrschiinlig ihri Verletzige usskuriere damit si denn im Ärnschtfall topfit sind. Im Fall vom Gerry isch das jo sicher kei Problem, är isch jo mit gwüsse Spieler scho sehr guet iigspielt. Was mit em Tödi isch, weiss ich nit. Isch är do oder in Züri? Hätt är Luscht zum ko? Ich ha weder e Mail-Adrässe no e Natelnummere oder sunscht ebbis vonem.
Wie gsehts bi de räschtlige Deppe us?
@Joël: falls du Zyt und Luscht hesch, bisch du natierlig in dr Grimpeli Mannschaft härzlig willkomme. E Verstärgigg bisch uf alli Fäll wurdi saage. Dr Dominik ka eh erscht im Fall vonere Zwischerunde-Quali, dohär hets garantiert no Platz fiir di (und e Trikot).