Infos zem kommende Wuchenänd in La Neuveville:

Mer starte am 10i. D. h. mer sind denn bim Christian, hole drno d'Noëmi (circa 10 ab 10i)und denn dr Joël (circa 20 ab 10i). Denn gohts diräggt ufe Campingplatz. Fahrzyt gemäss Céline rund 90 Minute.

Dängged bitte dra dassi nit sone wahnsinnig grosses Auto ha, also mit 5 Persone nit grad First Class-Bedingige herrsche. Zuedäm sett nit so viel Gepägg mitko, s'het schlicht ewäg nit so viel Platz.

Mitnäh sett me ebbis fiir ufe Grill und velicht no e Salätli oder so. Dasch aber optional. Sicher aber emol e Bolle Fleisch muess mit. Drno wär e Schloofsagg und wärs bruucht e Kissi vo Vorteil. Mer schloofe schiins imene Wohnwage vonere Kollegin, also nit unterem Stärnedach. Do in dr Neechi e See isch wär d'Badhose nit schlächt. Und e gueti Sunnegreem schadet sich au nit. Ich nimm no e kleins Bälleli mit, denn kenne mer e weneli schutte. Alles andere wirds dert ufem Zältplatz scho ha.

Bi frooge numme do iine schriibe. Mer klääre alles.

Quote:

---

Schaggi schrieb am 26.07.2007 10:49
... Fahrzyt gemäss Céline rund 90 Minute. ...

---

Und wo dure goht's, wenni das dr Chauffeur dörf froge?! Autobahn oder durch's Jura?! U.U. chönnt meh e bitz in Stau cho, do z.Bsp. d'Ferie im Bade-Württemberg aföhnd. Nur so als Idee, bi jo kei Hellseher. Ich denk, dr Chauffeur söll eifach bitz früehner ufstoh und d'Radiomeldige lose.

Hmm, e guete Iiwurf, dass mit BW-Ferie hani nit gwisst. Aber denn standi halt bitz friener uf und lueg no schnäll ins Radio, oder los halt im Internet ob ebbis kunnt.

sunsch chasch au im Fernseh go google, oder so...