Ganz schön; scho bitz niidisch. Y ha immerhin geschter au e änglische Daag kha. (Au wenn's eigentlich nur vo Zwilling zu Zwilling isch, schrieb y's jetzt trotzdem do ine. ) Bi wiedermol go skifahre mit de lads. Vo dem här han y gescht au wieder viel Änglisch glernt.
Ahjo, wägem 1. April (weekend) keimt wieder Hoffnig uf. Y lueg, dass y bald alles definitiv hikrieg...
Quote:Diibidننbi schrieb am 12.03.2007 20:47
...
Ahjo, wägem 1. April (weekend) keimt wieder Hoffnig uf. Y lueg, dass y bald alles definitiv hikrieg...
Eifach Bscheid gaeh, sobald oeppis definitiv weisch. Einersiits wird ich denn wohl vo Samschtig uf Sunntig au in London bliebe, denn choemmer grad gliechziitig fuers Youth Hostel bueche (oder buech eifach fuer mi au, wenn du buechsch. Astor Hyde Park isch ok, oder?) und ich cha denn mi Zugticket hole, wo jo billiger isch, wenn ich's im vorneherein hol. Uf dr andere Siete wuerdi evtl. mol mit emne Italiener Tottenham go luege, falls du nit choenntisch.
Quote:Y kenn's. D'Spanierinne, d'Südamerikanerinne usw. miehn irgendwo au aenglisch lerne...
Vo de Idee her ganz richtig, d'Nationalitaete stimme aber nid. Isch meh so Italie, Frankriich, Duetschland ... Slowakei isch leider scho wieder nuem vrtrete, uf jede Fall bim wiibliche Gschlecht. . Also, s'git notuerlich scho no meh Nationalitaete in dr Schuel, aber vo dert choemme halt so die fruendlichschte und sympathischte Mensche.
Quote:Wieviel Münz hesch uf em Pier scho verlore?
Bi no nit eimol uf em Pier gsi! (bi aber scho am p's sammle. (Uf em Pier isch so ne billigs Casino, wo de mit ganz billige Automate sehr viel Geld chasch verliere, tendenziell hesch eigentli kei Chance zum gwuenne, nit emol churzfrischtig.))
So, denn nerv ich euch no bitzli mit e paar wenige, mehr oder weniger witzige Anektode vo mim Lebe do in Brighton, bzw ueber s'ufenand treffe vo Kulture us dr ganze Welt. Wobi ich dodrbi nie die endgueltig Wiisheit fuer mi beaspruch, ich find's halt nur komisch, amuesant oder witzig.
Also wo'n'i mi mol chli mit em Abdul us em Kuwait (no joke!) unterhalte ha, meint er so i sim beschte Borat-Englisch (wieder, kei joke! ich ha jede daag chli Borat Komedie, mir hend uns in dr Familie sogar mol ueber de Borat-Film unterhalte .. - ich ha nuemm choenne!). "So, you don't have girlfriend in Switzerland, but you will marry when you go back to Switzerland, yes?!". Ich ha mi no knapp choenne zrugg halte und nur miesse schmunzle. Ha notuerlich verneint und gfrogt wer ich denn soett huerote ... "A girl ... your family doesn't know a girl? You're old, you should be married now." Bi mir halt wirklich vor cho wie im Film Borat. Ich weiss, isch notuerlich voellig unmoralisch in sonere Situation z'lache. Andere Laender, andere Sitten. Ich hoff, ihr vergend mir dae faux-pas.
E ander mol nochem Dinner hend mr uns ueber unseri Ferie unterhalte und dr Abdul het gmeint, dass er mol het welle noch Thailand go, aber si Vater sig drgege gsi. Wiiel ... und denn isch s'Theater los gange. Es sigi halt eifach nit richtig in so ne Land z'go, dert passiere au nit so gueti Sache, es goehnd Luet us dr ganze Welt dert hi, etc ... Denn meint dr Vater, jo es sigi halt scho nit alles korrekt, was dert passiert. Es isch au gar nit schoen, meh choennt's als unmoralisch bezeichne, etc ... Sie hend's gschafft, 5 min ueber de Sex Tourismus z'rede, ohni eimol e Wort wie 'girl', 'women', 'sex', etc. z'bruche. Do dure bini glaub i dere Familie teilwiis zue 'straight forward'. I hoff sie wend mi waegdem nit usekheie, wiel sunscht bini mittlerwiele ganz z'friede mit de Familie und dr Unterkunft.
Ha e aschtaendig grosses Zimmer, mi eigenes WC woni direkt usem Zimmer cha betrete (isch heilig noch em Usgang ), Meersicht (hehe) und zum englisch rede chum ich in de Familie au meh als gnueg. Spass hani no immer gnueg kha mit de andere Studente.
So, jetzt isch langsam gnueg fuer huet, mi erscht Daag ohni Bier goht z'end. Irgendwie hani mi jo miesse ablenke. Vielliecht schaffi's no irgendwie, paar Bilder uf e Laptop und denn in's Internet z'stelle ...
und sunscht wuenschi wieder mol e schoeni Zyyt.
ps. Zum Schluss no e Quizfrog: Wieso freue sich Sprochstudente uf e Maentig? Marc, psssssst.
Y ha's demfall besser kha mit de Südöschtler. De Mohammed (soviel y mi cha erinnere) us Syrie het scho dazumal de Ali G und bsunders si Figur "Borat" als Held agäh. Das isch käi Witz! Okay, dä Typ isch au Zahnarzt gsi und het scho s'eint oder ander Jööhrli in UK gläbt...
Saure Gurken Zeit isch vielliecht bity uebertriebe, aber s'lauft nuem alles so perfekt wie in de erschte 2 Wuche. D'Lehrer hend gwechselt, aber s'besseret sich langsam aber sicher.
Aber derfuer hani wieder einiges zum lache kah mit em Student us em Kuwait...
Aber jetzt isch wieder Fuessball agseit. Ich schrieb evtl. morn e bitz meh ...
Sodeli, do s'Lebe die Daeaeg grad chli oed isch (also eifach so wie in Basel sunscht...) nimm ich mir mol wieder churz Zyyt um euch e bitz oeppis z'schriebe, obwohl ich au grad soguet schnell fuere an's Meer huepfe und bi gfuehlte 25 Grad Celsius am Strand suennele choennt. (Kei Angscht, ich mach's sobald ich fertig gschriebe ha)
Agfange het die aschtrengendi letscht Wuche eigentlich scho am Sunntig. Nochdem mir (d.h. e Mitstudentin us Muenche und ich) s'Pier und d'Lanes vo Brighton besichtigt und e usgiebige (aber zumindescht fuer mi billigi) Shopping Tour gmacht hend, hen mir uns bimne langwielige Fuessballspiel (Aston - Liverpool 0-0) e Burger mit Chips (englischi Chips ) als Vorspiiss zum Dinner bi dr Family goennt. Am Maentig het's leider wieder nur TV-Fuessball gaeh, Re-Match Tottenham - Chelsea bi 1, 2 feine Bier. 2 Hammergoal ( Schewtschenko und Wright-Philips) und e Fan wo nochem Spiel dr John Terry attackiert. Am Zyyschtig hani in's Kino 'miesse', "Marie Antoinette" (Kitsch-Alarm! ) isch ufem Programm gstande. Immerhin d'Musik isch ganz stark gsi! Am Mittwoch het d'Schuel vo de andere Studente bi dr Host-Family e Party gschmisse ... bini notuerlich wieder nid drum ume cho. Am Donnschtig het unseri Pub Night denn stattgfunde ... s'eint oder ander Bier het de Weg d'Kehle duerab gfunde und wo s'Pub zuegmacht het, hani no bitz mi Tanzbei zu live Latin-Musik imne Club gschwunge. Am Fritig het's gheisse "Abschied naeh" vo einige Duetsche. Au wenn meh's nit glaube mag, maenggmol fallts sogar schwer, sich vo Duetsche z'trenne. Das macht meh notuerlich au nid eifach so nebebi, also hani wieder use miesse. Drbi muess meh sich notuerlich immer vorstelle, dass ich noch de Schuel ueber 40min muess mit em Bus heimefahre um mi Dinner z'becho und nochher wieder 30min fuer in's Centre. Das isch imne gwuesse Alter au kei Chatzesprung meh... S'Wuchenend isch denn endlich cho und ich ha mir choenne erhole.
Am Samschtig bini mit em Abdul und e paar vo sine arabische Kollege in's Kino go 300 (dae Film ueber d'Spartaner) luege. Was denn vor allem fuer d'Kollege us Saudi-Arabie e riese Gaudi muess gsi si; s'erscht mol e Film imne Kino luege!
Vo unserne interkulturelle Gsproech cha meh vielliecht hervorhebe, dass ich mol komplett unueberlegt gfrogt ha, ob er ueberhaupt Gschwueschterti het ... Mit emne liechte Laechle het er mir denn nur grad e zweistelligi Zahl zur Antwort gaeh. Bedenggt meh, dass es e Sultan (o.ae.) in Kuwait git, wo ueber 130 Soehn het (d'Toechtere waerde glaub bi dem nit zaehlt. pro Sohn notuerlich je ei Hochzyyt/Scheidig/Abfindig in Millionehoechi) isch das notuerlich ganz aschtaendig. Ich glaub, uf d'Diskussion wo mit sine folgende Wort agfange het, muessi nuem wieter igoh: "My teacher told me, you don't have capital punishment in europe. That's very stupid!"
So, ich glaub das waer's wieder mol ... d'Sunne schiint evtl. nuem lang und Dinner git's denn au bald mol.
Näi, het wirklich nid eso usgseh. Schad, aber schaffe goht halt vor, und die Wuche hätt y glaub wirklich käi Stund dörfe fähle, sunscht hätt y wohl über Oschtere käini Freidääg kha.
so jungs, ich ha mi jetzt au mol registriert bi euch deppen!
also folgendes zum thema.... scho lang kei bricht meh vo dir im forum, joël?!? was lauft, isch no alles paletti uf dr insle? was hesch mit minere kreditcharte alles scho agschtellt, resp. für welle match sin tickets gsi?
Jo also, ich leb tatsächlich no. Mitem Oschterwuchenend hani jetzt 2 churzi Wuche hinter mi brocht, glofe isch aber immer öppe s'glieche. Mäntig relaxe, Zyschtig Champions League im Pub, Mittwuch Champions League im Pub, Donnschtig Pub Night, mit Uefa Cup uf dr Liinwand, Fritig, Samschtig und Sunntig entweder dehei relaxe oder au churz imne Pub verbi luege. Am Wuchenend tagsüber gange oft mitem Hostmate us Kuwait in e indisches All you can eat - Restaurent go z'morge/z'mittag ässe. Also, so ca. vom 13.00 bis am 14.30. Für 7 Pfund, isch ganz fair!
Letscht Wuchenend bini an 2 Fuessball Match gsi, zerscht grad vor de Huustüre in Brighton und am Mäntig in Southampton. D'Tickets woni mit de Kredit Charte kauft ha, sind für neggscht Samschtig, also sprich morn. Portsmouth gäge Newcastle, s'Spiel isch jetzt usverkauft, aber ich ha Tickets, sogar z'viel. 2 Italiener hend plötzlich wieder abgseit, noch dem de eint zu 100% und de ander zu 75% zuegseit het. Naja, wird se morn wohl vor em Match chönne verkaufe (hoffentlich), sunscht muess mr Wohl oder Übel e paar Feinde mache. Aber jo, e Gschicht für sich.
S'Wetter isch mittlerwiele exzellent. Übere Nomidaag sind's meischt so gfühlti 20-25°, und d'Nomidaags Lektion wird meischtens uf e Strand verlegt. Hüt hemmer zum Bischpiel anderthalb Stund lang Scrabble gspielt.
So langsam denki notürlich au wieder an's zruggcho. (Was jetzt e super Überleitig isch: ) Wer irgend e spezielle Wunsch, söll's bitte in de neggschte Dääg mol do ine schriebe, denn chani luege was sich mache lost. Für e paar hani au scho öppis, die Wünsch werde notürlich nid berücksichtigt. Haha . Es sött eifach nit z'schwer und z'gross si, ich ha schliesslich scho bim Hiflug e volle Koffer und liecht's Übergwicht (vom Koffer) kha. I hoff, sie düend nid blöd, wenni zrugg flieg mit 30kg. Gnueg Crisps sind scho kauft, kei Angscht Marc! De 99p Store het mol e BOGOF-Aktion (Rätsel!) uf d'6er Packig vo Salt&Vinegar Crisps kha.
Also BOGOF heisst Buy One Get One Free. Marc, ich ha wirklich gnueg Chips kauft! Es sind momentan 6 Packige i mim Koffer, aber das stoht unter ständiger Fluktuation. Die 2 warme Mohlzyyte am Daag sind halt wirklich nit viel.
P'mouth Tickets hani eifach wieder chönne zrugggäh, d'Stimmig isch ganz stargg gsi, drummle sind notürlich atypisch, ganz klar!
Eigentlich hani jo scho öppis für di, Philippe. Aber wiel de mi lieblings nit-Zwillingsbrueder bisch, chauf dr vielliecht no öppis wo dim Wunsch entspricht.
De andere dank ich, dass sie wunschlos glücklich sind und mir e billige Ufenthalts Abschluss ermögliche, bzw. s'eint oder andere Bier meh. Nei also, löhnd euch loh überrasche (vielliecht findi no öppis), und sind mr denn nit bös.
Joël-Schätzeli, mir sind doch scho froh wenn de eifach gsund und munter wieder heimkunnsch und mit uns gohsch e Bierli go dringge. Muesch is nit mit materielle Wärt dervo iiberziige das dini Ruggkehr e Highlight isch!
Aber wenn de trotzdäm ebbis scheen fiir mi findisch nimmis notierlig gärn und frey mi au ufrichtig
Sie sind vermutlich noch nicht im Forum angemeldet - Klicken Sie hier um sich kostenlos anzumelden
Offline
) Bi wiedermol go skifahre mit de lads. Vo dem här han y gescht au wieder viel Änglisch glernt. 
!