Bald isches sowyt, dr Sylveschter stoht uns bevor. Wie jedes Johr dien mer au dasmol zwei Ereigniss befeschte!

Us aktuellem Anlass und damit mer im Nochhinein keine ka ko und saage "ha nit gwüsst das dä/die au kunnt" machi do e vorläufigi Gäschtelischte iine. Mutatione vo eurer Siite diend ihr mir bitte mitteile!

Bis jetzt derbi sind:

Brigitte
Diibidääbi
Joël
Lionel
Melanie
Schaggi
Quinto
Zeekadeethe

abgmäldet het sich:

Sarah (keini Gründ bekannt!)

Wie me uf dr Lischte ka lääse, fählt leider ei Person. S'isch mer nonig mitteilt worde, worum d'Sarah nit kunnt (ich froog denn scho no, kei angscht!), schad isches trotzdäm.

Mues me jetzt driischriibe, ob me z friide drmit isch?

Kasch jo zue jedere Person e Rating abgäh!

5 = sehr sympathisch
4 = glatte Siech
3 = isch OK
2 = wenns muess sy
1 = wenn dä kunnt blibb ich dehaim

Quote:

---

Schaggi schrieb am 19.12.2005 09:01
Bald isches sowyt, dr Sylveschter stoht uns bevor. Wie jedes Johr dien mer au dasmol zwei Ereigniss befeschte!

Us aktuellem Anlass und damit mer im Nochhinein keine ka ko und saage "ha nit gwüsst das dä/die au kunnt" machi do e vorläufigi Gäschtelischte iine. Mutatione vo eurer Siite diend ihr mir bitte mitteile!

Bis jetzt derbi sind:

Brigitte
Diibidääbi
Joël
Lionel
Melanie
Schaggi
Quinto
Zeekadeethe

abgmäldet het sich:

Sarah (keini Gründ bekannt!)

Wie me uf dr Lischte ka lääse, fählt leider ei Person. S'isch mer nonig mitteilt worde, worum d'Sarah nit kunnt (ich froog denn scho no, kei angscht!), schad isches trotzdäm.

---

I chum wäg einere Person nid.

Drzue chöne dr euers eigene Zügs dänge. I weiss nur dases sehr viel besser isch, wenn i nid chum...

I wär gärn drbi Schaggi, wirkli.....

Ich ha mer scho dänggt (und die andere nimm ich aa au) das es um das Thema goht. Leider Gottes isches aber tatsächligg au 1 Johr spöter nonig meeglig, sich wie einigermasse erwaggseni Mensche z'benäh, au wenns nur fiir e paar Stund isch. Das goht iibrigens alli Parteie aa, nit numme einzelni Persone.

Us minere Sicht isches eifach schaad, dasses au das Johr nit meegligg isch, mit all deene Lüüt z'fiire wo ich gärn derbi hätt. Und das ganze numme well me privati Krieg muess in dr Öffentliggkeit ustrage. Nachdäm ich letscht Johr scho d'Ghislaine nit ha kenne iilade em Friede z'lieb fählt jetzt scho wieder ebber. Fiir d'Zuekunft wird ich mir ganz sicher Gedangge mache, es sell jo sehr scheen sy in Länk zue deere Johreszyt!

Grundsätzlich isch das aber kei Diskussion wo me duet im Internet fiere, dorum lemmer das jetzt lieber sy.

Allne, wo ich die Wuche nüm gseh oder ghör, winsch ich scheeni und besinnlichi Wiehnachte. Diend wieder mol bitz dra dängge, was me an de Mensche in sim noche Umfäld het oder gha het und gsehnd nit immer numme s'Negative. S'wurd einiges viel eifacher mache!

Quote:

---

Schaggi schrieb am 20.12.2005 10:53
Ich ha mer scho dänggt (und die andere nimm ich aa au) das es um das Thema goht. Leider Gottes isches aber tatsächligg au 1 Johr spöter nonig meeglig, sich wie einigermasse erwaggseni Mensche z'benäh, au wenns nur fiir e paar Stund isch. Das goht iibrigens alli Parteie aa, nit numme einzelni Persone.

Us minere Sicht isches eifach schaad, dasses au das Johr nit meegligg isch, mit all deene Lüüt z'fiire wo ich gärn derbi hätt. Und das ganze numme well me privati Krieg muess in dr Öffentliggkeit ustrage. Nachdäm ich letscht Johr scho d'Ghislaine nit ha kenne iilade em Friede z'lieb fählt jetzt scho wieder ebber. Fiir d'Zuekunft wird ich mir ganz sicher Gedangge mache, es sell jo sehr scheen sy in Länk zue deere Johreszyt!

Grundsätzlich isch das aber kei Diskussion wo me duet im Internet fiere, dorum lemmer das jetzt lieber sy.

Allne, wo ich die Wuche nüm gseh oder ghör, winsch ich scheeni und besinnlichi Wiehnachte. Diend wieder mol bitz dra dängge, was me an de Mensche in sim noche Umfäld het oder gha het und gsehnd nit immer numme s'Negative. S'wurd einiges viel eifacher mache!

---

Das würdi jo gärn, aber i ha gseh wies bim Christian usecho isch. Und i ha am Afang versuecht mit ihre z rede und normal umzgo....wenn si das nid wott, tja. Aber no muesi sage fiere dir lieber i däm Rahme wie friener, denn chani au nid s fünfte Rad si wo drbi isch (so bini mer nämli irgendwie vorcho).


I wünsch euch allne au schöni Wiehnachte....

S'isch leider eso wie s'isch. Grundsätzlich dängg ich mir, isches au nit e Problem zwische dir und dr Melanie sondern zwische ihre und em Quinto. Goht uns alli notierlig au nüt aa, me bildet sich aber e Meinig. Und solang die zwei nit mitenand kenne umgoh wie sichs fiir Persone in däm Alter ghört, wirds immer Spannige gäh wenn ihr ufenand träffet.

Mi Verständnis fiir d'Situation schwindet ämmel immer meh und irgendwenn muessi eifach saage: wenn s'mit euch nit goht, denn muesses halt ohni euch goh!

Also äntwäder sitze alli ane grosse Tisch und kläre die Situation oder mer miend e anderi Lösig finde!

Jo lueg aber i mein zwüsche zwei wo mol zämmegsi sin gits halt e Spannig. Und du muesch au dr Quinto versto wenn er vilicht mit ihre im Momänt nid viel wott ztue ha. I ha mit mim Ex zum Bispiel gar kei Kontakt me. Nid mol me durch Kollege, will die chönne sich richte das mir uns nit ind queri chöme.

Und i ha efach e Problem dodrmit wenn si findet si muess jez do mi Schatz umarme (vorallem will si gwüsst het da ich dusse am rauche bi uns gseh) und wenn mi Schatz se den ewäg drugt das den si und di Schatz ihn komisch aluege, so als obs verständlich wär das si ihm ume Hals cha falle. Find ich gar nid.

Und drum gangi dere Sach lieber usem Wäg. I däng sisch au besser für mi, no muessi so Zügs nümgseh. I has nid so mit Exene.

- muess e schriftligi Erklärig vo jedem ha, dasser mit jedem Gascht iiverstande isch. Heisst aber nit, das es denn au wirgligg friedligg isch

- wird im Trämli vor allne Lüüt zämmegschisse welli ebberem e Gfalle mach

- wird schriftligg aagfahre welli.....nüt gmacht han


SINDER EIGENTLIGG NIT GANZ BACHE?

Was meined ihr eigentligg, wie lang ich fiir euch no s'Arschloch mach? Mir isch d'Luscht uf euch Affe eso öbbis vo vergange. Was kunnt als näggschts?

Wenn mi irgend öbber zwüsche Wiehnacht und 2. Januar suecht, probierets mol mit 3775 Lenk i. Simmental, Bühlberg! Dert versaut mer garantiert niemmer mi Geburtsdaag!

Unglaubligg wie gwüssi Lüüt amme dr Wiggser könne usehängge loh!

Und es isch mer scheissegal welle Schatz welle Schatz will umarme und welle Schatz grad derbi zueluegt. Das ganze Schisstheater isch e Kindergarte und in Zuekunft könnet ihr luege, mit wämmer dä wänd duurezieh. Aber ihr sind so ebbis vo lächerlich, dasses mi aakotzt.

Mi Meinig.

Merci

Jo und mi meinig isch das ich gar nid uf di los bi....i ha dirs nur versuecht z erkläre wieso i nid wott cho. was do dra so schlimm isch weissi au nid. Ha jo gar nüt drgege das du sie iladisch. eieiei....

So und i has jez au erklärt und sag au nüt me drzue wieso i nit chum.

Am beschte hätti gar nie was gseit, isch jo klar gsi.